Monday, March 21, 2011

Mat Kilang..

Den ponah jadi mat kilang, maso tu den kojo kek bandar baru bangi.. kilang sony video kek seksyen 1.. tahun 1995 dan 1996 kot... jawatan last den kek sanun sbg receiver.. tukang check barang-barang masuk...

Baru 3 hari kojo den dah dapek mc.. kono domam campak... 2 bulan jo kojo dah dapek surat confirmation... siap bos den bgtau laie maso meeting den org pertamo dalam sejarah eh sebagai bos dapek confirmation dalam maso 2 bulan.. kombang idung den sekojap... ramai jugak la kato yang den kaki kipeh... ontah apo eh.. tak leh lah pulak tengok den sonang...

Den rajin poie kojo.. sobab maso tu den dapek awek budak bandar baru bangi samo kojo kek kilang tu.. kono la hari-hari poie kojo sobab nak jumpo dengan dio.. sebolum masuk kojo sompek berdating kojap kek kafe... tapi malang eh den putuih jugak dengan dio walaupun maso tu den dengan family dio dah selalu jumpo dan rapat. Ni la akibat kecurangan den.. time rehat den selalu lak berdating dengan minah indon.. hahahhaha.. kantoi dengan dio.. sekali takpo.. galak kali den kantoi.. apo tak angin eh dio dengan den... lopeh putuih dengan dio.. den pun solo la.. minah indon tu pun den maleh nak kawan.. gilo lak ai.. tak nak den dgn minah indon doh.. ramai laie orang Malaysia yang boleh dibuek bini..

Hasil kojo kek sanun dapek la pakai moto rxz boli samo kawan den.. tu pun bkn duit den simpan doh.. sikit jo duit den tapi yang banyak keluar duit ayah samo abang den.. leko bona enjoy sampai la moto tu ntah kemano.. kawan den ambil balik moto tu... moto tu tersadai kek bengkel moto.. den tak poie ambil-ambil.. bilo den konang kembali seribu penyosalan kesudahan eh....

Den beronti kojo sobab den dah dapek warning letter kali ke tigo, kali ketigo tu den bergaduh dengan budak samo kojo dengan department. Budak tu main langgar ajo mejo den, apo laie.. hinggap la penerajang den kek belakang dio. Nasib tak baik bos nampak.. bos terus salahkan den tanpo bertanyo apo salah dan silap eh maso tu..  berakhirlah sudah memori mat kilang den..

Takdo seronok eh doh kojo kilang dulu.. gilo aii.. basic den baru rm350.00 kono buek overtime gilo-gilo.. tu pun baru dapek dalam rm700.00, nak makan apo... elok la den beronti kan... banyak laie kojo lain.. hahahaha...

chow....

1 comment: